דער גבול
פּראָלאָג - - דער גבול - - פון ליפ צו ליפ - - שוין ווידער ניחא - - שכל במקום גאט - - פארלארענע מתנות - - גאט-זוכעניש - - א לעבענס – שיפל - - וויל און מוז - - און איך אליין - - דאס מעכטיגסטע - - ביי טויער פון לעבן - - די נייע געטער - - שיקזאל
צוריק צו יהואש לידער און פּראזע
דער גבול
מעגסט טויזענט לאנגע טעג און נעכט
זיך גראבן און זיך גריבלען אין דיין זינען,
די האנט וואס טרייבט דיך ווי א בלינדן קנעכט –
זי וועסטו מיט דיין פארשן נישט גפינען.
שווים דורך פון עק צו עק דעם ענגען טייך,
קען יעדע וועל, קען יעדן זאמד און שטיינדל,
ווער מלך אין דיין מילבן-קעניגרייך,
און פון דיין חכמה שמיד זיך אויס א קריינדל –
דאך רונד ארום דיר א פלעזן-בערג
און קיינמאל וועט דיין פוס דיך דארט נישט ברענגען,
דארט רוישט דער וואלד וואו ס'איז נישטא קיין שטעג,
וואו קיינמאל וועט דיין קליינע אויג נישט דרינגען...