קירגיזנסטעפ
פֿון אליעזר שינדלער (1892 – 1957)
קירגיזנסטעפּ
דורכגעמאָסטן דײַנע וועגן,
דײַנע סטעזשקעס, דײַנע שטעגן,
פֿון אוראַל ביז קאַספּי־ים,
געוואַנדרעוועט פֿון שטאַם צו שטאַם.
נעכט בײַ שטרוינעם פֿײַער־פֿלאַקער,
טרײַ געפּילנעוועט דײַן אַקער;
אויף דײַן קעמל שטאָלץ געריטן,
דײַן גערעטעניש געשניטן.
אין דײַנע שטובן און געצעלטן
אָפֿט געהערט דײַן זינגען, שעלטן;
כ׳קען דײַן כּעס און דײַן געלעכטער,
דײַנע זין און דײַנע טעכטער.
מקורות
רעדאַקטירןשינדלער, א. „לידער‟. ווילנע: גרינינקע בײמעלעך, 1929. ז. 9.